ניו דזשערסי – גרויסע חסדי ה' האט מען נעכטן מיטגעלעבט אין דער שטאט לעיקוואוד, וואו צוויי חדר יונגלעך זענען אפגעפונען געווארן ב"ה אין א גוטן צושטאנד, נאכ'ן זיין פארשוואונדן פאר עטליכע שטונדן. ווי עס ווערט באריכטעט, האבן די צוויי יונגלעך, ברידער אין עלטער פון 7 און 8 יאר, פארשפעטיגט דעם באס צום "לעיקוואוד חדר" מוסד, און קלערנדיג אז זיי וועלן קענען כאפן דעם באס אויף דער אנדערער גאס, זענען זיי דורכגעלאפן דעם וואלד. למעשה זענען זיי שטעקן-געבליבן אין וואלד, און פאר 4 און א האלב שעה, פון 8:30 ביז בערך 1:00 נאכמיטאג, האט מען נישט געוואוסט וואו זיי זענען, און א מאסיווע זוך אקציע איז אונטערגענומען געווארן. פאליציי אינאיינעם מיט אידישע וואלונטירן האבן געזוכט, ביז מ'האט זיי ענדליך אפגעפונען, ב"ה אין א גוטן צושטאנד, בלויז פארשוויצט פון די ביטערע היצן.
![בילד בילד](https://blogger.googleusercontent.com/img/proxy/AVvXsEjxjFnD921XV6GICfsth6lavjUg-SG4HJYAIPbqdEScjgwfjxOzRvqlqYGjLPDUL_DZmwvn7TeQw7KRk4IIt7h4o_0QZOjuRvrmZh4jN4eRjcnOKW7unz7UanUHY4T4B3DUAqZ84DW5UUBVOkMCY6RsYd7cE0xopUbNSNwx-FJGAtxvNodA_i219u-rh8JUU6VFuWIVe5rFLrnY-2L6WDuU3jTRgxYQqQ=s0-d-e1-ft)
הוסף רשומת תגובה