אלבאני – א פראגראם פון עלעקטראנישע "וויק" קארטלעך איז אריין אין קראפט אינעם אלבאני ראיאן אין ניו יארק, און די געווענליכע פאפירענע וויק טשעקלעך זענען ערזעצט געווארן מיט א ספעציעלן קארטל, אויף וועלכע ס'איז ארויפגעשטעלט די גענויע סומע געלט און בענעפיטן פון די געניסער. דער נייער פראגראם, וועלכע ווערט אנגערופן "אי-וויק", ארבעט אז אויב עמיצער האט נישט אויסגענוצט די פילע געלטער און פראדוקטן וואס מען האט פאר אים איינגעטיילט, וועט דאס גיין אויף "ראול-אווער", וואס באדייט אז ס'וועט אריבערגיין צום קומענדיגן מאל וואס ער גייט איינקויפן. דאס איז א גרויסע מעלה, וויבאלד לויט ווי עס ארבעט יעצט, קען מען נישט אוועקלייגן פון איין מאל אויפ'ן קומענדיגן מאל. דערווייל איז "אי-וויק" בלויז א פראבע, און מ'וועט עס צעביסלעך איינפעדימען אין דער גאנצער סטעיט אינמיטן יאר 19'.
![בילד בילד](https://blogger.googleusercontent.com/img/proxy/AVvXsEhociYoMVscoXsSIrexUHcaS-QkXSYTIS-dKMS0MV9J0kMRmlMxg6Od16E7MUanJ5xzcoCJ_xXE2EuwH9P1TfijMLilDUi4UrPenMrymsTZWYwm3bdpE7OGyKc5_wy_DtUFFPaygD2BPwzbF87sKSd1VYP768gf3iRSz7FAdLrU0BrNPi4RCs8ACJfqfOIAAI4kZx3ycxhnLLvZRVM2_gXNTyioD35l6Q=s0-d-e1-ft)
הוסף רשומת תגובה