אלגעמיינע ענקזייעטי דיסארדער

"עס איז א שאד צו פארנוצן דיינע כוחות אויף עפעס וואס ליגט סייווי נישט אין דיינע הענט."

ווי געשריבן זענען פאראן עטליכע סארט ענקזייעטי-דיסארדערס.

פאלגענד זענען די געווענליכע סימפטאמען פון Generalized Anxiety Disorder:

• נערוועזיטעט, אנגעצויגנקייט, איבל, קראצענישן און ווייטאגן, קען זיך נישט קאנצעטרירן, קען נישט שלאפן, אויסטערליש מיד און אויסגעמוטשעט.
• פערפעקשיניזם (אלעס דארף קלאפן מורא'דיג פונקטליך).
• דארף כסדר קאמפלימענטן און פרישע חיזוק.
• שטארקע אנשטויסענישן מיט טאג-טעגליכע ווירטשאפט.
• זייער אנגעצויגן רוב טעג פון די וואך, א האלב יאר נאכאנאנד, איבער מערערע זאכן.
• מוטשעט זיך צו קאנטראלירן זיין אנגעצויגנקייט.
• אומרעאליסטישע אנגעצויגנקייט איבער נארמאלע זאכן.

 זייטיגע פראבלעמען:

• נעמט אפט 'אייגענע' מעדיצינען, ווי: אלקאהאל, דראגס, אדער רייכערן.
• רוב מענטשן באקלאגן זיך נישט אויף זייער 'אנגעצויגנקייט', נאר אויך פיזישע ווייטאגן\קראצענישן\וכדו'.