שפלינטער גרופע פון איי-אר-עי פירט דורך טעראר אטאקע אין איירלאנד [ווידיא]
אין די ניינציגער יארן ביז 1998 זענען איבער דריי טויזנטער אומגעקומען פון א טעראר כוואליע אין איירלאנד דורך איירישע נאציאנאליסטן באקאנט אלס די איי-אר-עי, די איירישע רעפובליקען ארמיי. זינט 1998 האבן זיי אראפגעלייגט די וואפן אלס טייל פון א שלום אפמאך מיט בריטאניע, אבער לעצטנס - אין ליכט פון ברעקזיט אנטוויקלונגען - האט זיך פארמירט א ראדיקאלע שפלינטער גרופע פון די איי-אר-עי וועלכע האבן באנייט די טעראר אקטיוויטעטן.

נעכטן איז פארגעקומען א ערנסטע טעראר פארזוך וועלכע האט זיך מיט מזל געענדיגט אהן קיין טויטע. א באמבע וועלכע איז איינגעפלאנצט געווארן אין א קאר, האט אויפגעריסן פארנט פונעם געריכטהויז אינעם איירישן שטאט לאנדאנבערי. פאליציי האט ארעסטירט צוויי יוגנטליכע, וועלכע זענען פארדעכטיגט אין זיין פארבינדן צו די אטאקע.


גענומען מיט רשות פון פיינע נייעס

קאמאנטירט

פאריגע ארטיקל קומענדיגע ארטיקל