ברוקלין - א שטיקל שטורעם איז נעכטן אנטשטאנען, נאכדעם וואס די ניו יארק סיטי באאמטע האבן פארארדענט א וועטעראנען ארגאניזאציע אוועקצונעמען א פּאטריאטישע באנק וואס די ארגאניזאציע האט געהאט אינסטאלירט אויף א גאס אין דער פארק סלאופ געגנט אין ברוקלין. די ״אמעריקען לידזשיען״ ארגאניזאציע האט אינסטאלירט די באנק, אנגעפארבט מיט א גרויסן אמעריקאנער פאן, מיט׳ן ציל אז ס׳זאל דינען דעם פובליק, אויב עמיצער וויל זיך אפרוען אויף פראפערטי פארנט פון אירע אפיסעס. זעט זיך אויס אז פאר א צעיושעטן ליבעראלן האט געשטערט די גרויסע פאן, און ער האט אריינגערופן 311 מיט א פאלשע קאמפלעינט אז די באנק איז אויף פובליק סיידוואלק. דאס האט געברענגט אז די סיטי זאל פארארדענען אוועקצונעמען די באנק, אבער נאך א שטורעם אויפ'ן אינטערנעט, האט די סיטי צוריקגעצויגן, און די באנק וועט פארבלייבן.
![בילד בילד](https://blogger.googleusercontent.com/img/proxy/AVvXsEiz1TpaNWwgyd5rvCItVSsaVCeYyCoGG4IBkn34-CmGJyHnBH6gA2_fB7XegaRd07x97aK2_0L7rzi3RCk3L3329O6z1LLDmWGP4C7uoSRlLhZ-k1tOLfmR6IX9t4No0GraWCTcGEvef4XSPDP8T1swUix0ledzyMUlMucFYeriqUbPrLoVToct79adEwsGZThIOZRF_5Z8tdzjKYneUZKtX1BMhuLnUQ=s0-d-e1-ft)
הוסף רשומת תגובה