אויסטראליע – שטארקע קריטיק האט מען געהערט קעגן די אויסטראלישע ספעשל פארסעס זעלנער אין אפגאניסטאן, נאכדעם וואס עס זענען פארשפרייט געווארן בילדער פון העכער צען יאר צוריק, וויאזוי זיי פארן מיט א נאצישע פאן אויף זייער טראק, בשעת א פאטראל מיסיע אין אפגאניסטאן. די אויפדעקונג, אז די ספעשל פארסעס זעלנער זענען ארומגעפארן מיט א נאצי פאן, איז געמאכט געווארן אלס טייל פון אן אנגייענדיגער צוויי-יעריגער אויספארשונג, וואס די אויסטראלישע רעגירונג האט דורכגעפירט אויף די ספעשל פארסעס, צו דערגיין פארשידענע באשולדיגונגען איבער מיסברויכן און אומלעגאלע מארדן וואס די זעלנער זענען באגאנגען אין אפגאניסטאן.
Post a Comment