וואשינגטאן – דער געפעכט צווישן טראמפ און זיין אטוירני דזשענעראל סעשאנס, האט פריש אויפגעפלאקערט, ווען טראמפ האט געזאגט אז הלואי וואלט ער ווען נישט געהאט אויסגעוועלט סעשאנס פאר די אטוירני דזשענעראל פאזיציע, ווייל ער וואלט גענומען א צווייטן און א בעסערן. טראמפ'ס שארפע קאמענטארן קעגן סעשאנס, זענען געקומען אלס טייל פון די נאכווייען פון א "ניו יארק טיימס" ארטיקל, וועלכע האט אויפגעדעקט אז טראמפ און סעשאנס קאמיוניקירן שוין נישט פאר כמעט א יאר צייט, נאכדעם וואס סעשאנס האט צוריקגעוויזן טראמפ'ס פארלאנגען יא אריינצורעדן און באאיינפלוסן דעם רוסלאנד אויספארשונג.
הוסף רשומת תגובה