וואשינגטאן – די טראמפ אדמיניסטראציע האט נעכטן ארויסגעשטעלט א ליסטע פון צוועלעף פארלאנגען, וואס זי פארלאנגט פון די איראנער איסלאמישע רעזשים, אין פאל איראן איז אינטערעסירט זיך צו זעצן צום פארהאנדלונגס טיש פאר א דיעל מיט אמעריקע. די פארלאנגען זענען געמאלדן געווארן דורך סעקרעטערי אוו סטעיט מייק פאמפעיא, וועלכער האט קלארגעשטעלט אז סיי וועלכע דיעל, וועט ארייננעמען די אומבאגרעניצטע אינספעקשאנס אפילו אין פשוט'ע מיליטערישע באזעס, און צו פארזיכערן אז איראן קען קיינמאל אין לעבן נישט אנטוויקלען א נוקלעארע וואפן.
הוסף רשומת תגובה