אוקריינע - פאליציי אין אוקראינע פארשן אויס דעם מארד פון א איד פון ירושלים, וועלכער איז קאלטבלוטיג דערמארדעט געווארן פארנט פון א שוהל אין קיעוו. פאליציי זאגן אז דער 29 יעריגער שחרוך טארנאסאוו הי״ד פון ירושלים, וועלכער האט זיך שוין געפונען א לענגערע צייט אין אוקראינע, איז דערמארדעט געווארן פארנט פון דער היסטארישער ״בראדסקי שוהל״ אין דער הויפטשטאט קיעוו. לויט אוקראינישע נייעס קוועלער, איז טארנאסאוו אומגעברענגט געווארן דורך א ציל-שיסער וועלכער איז דורכגעפארן פארנט פון שוהל, געשאסן טארנאסאוו און אפגעטראגן אין א וואלקסוואגאן אויטא. די פאליציי זאגן אז דער מארד קוקט אויס ווי געפלאנט, אבער זיי גלייבן נישט אז ס'איז געווען מאטיווירט דורך אנטיסעמיטיזם, נאר א קרימינאלער אקט און ווארשיינליך האט דער שיסער געקענט טארנאסאוו'ן. עסקנים פון ארץ ישראל ארבעטן צו פארזיכערן כבוד המת.
![בילד: איד דערמארדעט פארנט פון קיעווער שוהל בילד: איד דערמארדעט פארנט פון קיעווער שוהל](https://blogger.googleusercontent.com/img/proxy/AVvXsEj0SxyjHz35dI28CRy9xSQh2ehAYZz9oHVSehHR6ApA857N6bSkEgYfGRiVUMA4IXQ2N3qhnmxZL80rcwIEK0k_MRmqX48e5UevjRDAjFBVvscHpYwgAapvShGKkxjds_N2q2JlrwSzenagdmJvhCs3jDvuU5y97ekq6TwMwudvDuqblXGc1YdDkntkQwINhu0y2fGc18cXPnHo662EGKH9ahasWSE-RQ=s0-d-e1-ft)
הוסף רשומת תגובה