לאנדאן - מען שטייט געציילטע טעג איידער ס'וועלן פארקומען די פארלאמענט וואלן אין ענגלאנד אום יוני 8, און א פרישע אנקעטע צייגט אז די קאנסערוואטיוון האבן בלויז אן איין-פראצענט אויבערהאנט העכער לעיבאר און די אנדערע פארטייען. ווען פרעמיער מיניסטארשע מעי האט מיט עטליכע וואכן צוריק פאררופן די וואלן, איז זי געווען פארזיכערט אז איר קאנסערוואטיווע פארטיי וועט גרינג אנהאלטן דעם אויבערהאנט אינעם פארלאמענט און עס נאכמער פארשטארקערן, און אנקעטעס האבן טאקע דאן געצייגט א טאפלטע-ציפערן אויבערהאנט פאר די קאנסערוואטיוון, אבער שטייענדיג אזוי נאענט צו די וואלן, איז דער אויבערהאנט געפאלן און עס וועט זיין אינטערעסאנט מיטצוהאלטן צי טעריסא מעי וועט פליען פון מאכט טאקע דורך די ריזיקע וואס זי האט גענומען מיט'ן פאררופן וואלן.
הוסף רשומת תגובה