נאַציאַנאַלע זיכערהייט דירעקטאר אַדמיראַל מייק ראַדשערס האָט אויפגעדעקט אין אַ פאַרהער פאָרנט פון אַ סענאַט קאָמיטע, אַז אַמעריקע האָט אויפגעדעקט פרואוון פון רוסלאַנד זיך צו אַריינמישן אין די וואַלן וועלכע זענען אָפּגעהאַלטן געוואָרן אין פראַנקרייך, אויף אַ ענליכע פאַרנעם צו דאָס וואָס זיי האָבן געטוהן אין די פאַרלאָפענע וואַלן אין אַמעריקע. ער זאָגט אַז די אַמעריקאַנער סייבער סעקיוריטי איינהייט אין די שפיאָנאַזש אַגענטור האָט געוואָרנט די קאַמפיין פון עממאַנועל מאַקראָן אַז זיי זענען א ציהל פאַר רוסישע העקערס.

ראַדשערס האָט אונטערגעשטראָכן אַז אַמעריקע האָט אָנגעטראָגן הילף פאַר פראַנקרייך זיי צו העלפן באַשיצן אירע סיסטעמען פון מאַסיווע העקעריי, און אזוי אויך ארבייטן זיי יעצט מיט ענגלאַנד און דייטשלאַנד ווי עס ווערן אפגעהאלטן היי יאָר וואַלן צו פאַרזיכערן אַז די רוסן זאָלן נישט דאָרט באַווייזן צו אינפילטרירן דעם סיסטעם און קאָרופטירן די דעמאַקראטישע פראָצעדור אזוי ווי זיי האבן געטון אין אַמעריקע.

מאַקראָן'ס קאַמפיין איז געווען די ציהל פון אַ מאַסיווע קאַאָרדינירטע העקעריי, אין וועלכע די העקערס האָבן אַרויסגעווישט איבער 14 גיגאַבייטס פון קאָמפיוטער סטאָרעדש, וואָס אַנטהאַלטן הונדערטער טויזנטער אימעילס און דאָקומענטן. אָבער אַ דאַנק די וואָרענונג פון אַמעריקע, האָבן זיי זיך באַשיצט און עס זענען נישט אַרויסגערינען סענסיטיווע אינפאָרמאציע.


נאַציאַנאַלע זיכערהייט דירעקטאר אַדמיראַל מייק ראַדשערס פאָרנט פון די סענאַט קאָמיטע


קאמאנטירט

פאריגע ארטיקל קומענדיגע ארטיקל