די ציפערן צייגן אז אין די לעצטע חדשים האבן מער ווי זעקס טויזנט טערקישע אידן אפעלירט צו באקומען אייראפעאישע פאספארטן און וויזעס, א מערהייט דערפון קיין שפאניע און פארטוגאל, וואס דאס צייגט אז די אידן ווילן האבן גרייט אן אנטלויף-פלאן אויב דער מצב ווערט טאקע גאר שווער. היינט צוטאגס וואוינען בלויז פופצן טויזנט אידן, וואס איז א גאר קליינער ציפער קעגן די הונדערטער טויזנטער וועלכע האבן דארטן געוואוינט לאנגע יארן, נאכדעם וואס דער טערקישער סולטאן האט געעפנט זיינע טויערן פאר׳ן ספרדישן אידנטום אין די יארן פון גירוש שפאניע.
הוסף רשומת תגובה