וואשינגטאן – אין א מאדנער אנטוויקלונג האט מען באמערקט, ווי א בוים וועלכע איז איינגעפלאנצט געווארן פאריגע וואך פארנט פון ווייסן הויז, איז מיסטעריעז פארשוואונדן געווארן. דער בוים איז געפלאנצט געווארן ביי א פובליק צערעמאניע פארגאנגענעם דינסטאג, דורך פרעזידענט טראמפ און דעם פראנצויזישן פרעזידענט עמאניועל מאקרון, וועלכער האט געברענגט דעם בוים אלס סימבאלישער געשאנק פאר די פאראייניגטע שטאטן, און אצינד עטליכע טעג שפעטער איז דער בוים אנטרינען. דאס ווייסע הויז האט דערווייל נישט קאמענטירט איבער דעם, אבער שפעקולירער זאגן אז ס'איז מעגליך אז מ'האט גענומען דעם בוים עס אונטערצוזוכן פאר מעגליכע אינזעקטן אדער קרענק וואס דאס האט אריינגעברענגט פון אויסלאנד, ווייל די רעגירונג נעמט זייער ערנסט די סארט זאכן.
הוסף רשומת תגובה