פריוואטע פירמע ׳ספעיס-עקס׳ וועט ארויפשיקן אסטראנאטן צום ספעיס
א ווארטזאגער פאר נאסא האט געזאגט אז די פירמע ׳ספעיס-עקס׳ האלט אין די לעצטע שטאפלן פון אויספרובירן א ראקעט וואס וועט קענען פירן אסטראנאטן צום ספעיס, און עס וועט ווארשיינליך זיין גרייט צום באנוץ ביים ענדע פון דעם יאר. 

דאס קומט נאכדעם וואס נאסא האט געשלאסן א פיר ביליאן דאלערדיגע אפמאך מיט ׳ספעיס-עקס׳ - וואס באלאנגט צו אילאן מאסק פון טעסלא - אויף צו אנטוויקלן דעם ראקעט און נאך עטליכע פראבעס מיט׳ן ארויפשיקן דעם ראקעט אן קיין מענטשן דערינען.

דאס וועט זיין דאס ערשטע מאל וואס א ראקעט געבויט דורך א ציווילע פירמע שיקט ארויס אסטראנאטן צום ספעיס, דער ראקעט איז א ספעציעלע דורברוך וויבאלד עס קען ווערן איבערגענוצט, און אזוי ארום ערמעגליכט דאס צו איינשטעלן א רוטינע טראנספארט פון אסטראנאטן פונעם ערד צום ספעיס סטאנציע פאר פארש ארבעט.


גענומען מיט רשות פון פיינע נייעס

קאמאנטירט

פאריגע ארטיקל קומענדיגע ארטיקל