וואשינגטאן – די דעמאקראטישע פארטיי פירערשאפט איז שטארק צעשאקלט, נאכ'ן ליידן א שווערן פארלוסט ביי די פריימערי וואלן דינסטאג נאכט. דער פארלוסט איז געקומען אין ניו יארק, וואו דער לאנגיעריגער, הויכראנגיקער דעמאקראטישער קאנגרעסמאן, דזשאו קראולי, האט פארלוירן זיין קאנגרעס זיץ, צו א יונגע 28 יעריגע קאנדידאטקע ביים נאמען אלעקסאנדריע אקעסיע-קארטעז, וועלכע האט נישט קיין שום פריערדיגע פאליטישע ערפארונג. קראולי איז באטראכט געווארן אלס צוקונפטיגער קאנגרעס ספיקער, און דער פאקט אז א ליבעראלע סאציאלע קאנדידאטקע האט אים באזיגט, צייגט אז דער ליבעראלער פליגל פון דער דעמאקראטישער פארטיי הייבט אן ווערן שטארקער און זוכט צו באזיגן די פארטיי'ס עסטאבלישמענט.
![בילד בילד](https://images.wsj.net/im-15840?width=620&aspect_ratio=1.5)
הוסף רשומת תגובה