וואשינגטאן – נעכטן האט געהערשט גרויס כאאס אין קאנגרעס, איבער פרואוון דורכצופירן א ביל וועלכע וועט איבערמאכן גאר וויכטיגע טיילן פונעם אמעריקאנער אימיגראציע סיסטעם. ערשטנס האט מען געהערט אז א ביל וואס פרעזידענט טראמפ האט געשטיצט – וועלכע האט אריינגענומען דאס איינצוימען לעגאלע אימיגראציע און נישט קיין לעגאלע בירגערשאפט פאר דאקא אימיגראנטן – איז דורכגעפאלן, נאכ'ן נישט באקומען גענוג שטימען. דאן האט קאנגרעס אפגעשטופט א געפלאנטע אפשטימונג אויף א ביל וואס איז מער מעסיג, וויבאלד עס וועט צושטעלן א צוגאנג פאר די דאקא אימיגראנטן צו באקומען בירגערשאפט, אבער וועט אין דער זעלבער צייט צושטעלן 25 ביליאן דאלאר פאר טראמפ'ס גרעניץ וואנט.
![בילד בילד](https://blogger.googleusercontent.com/img/proxy/AVvXsEiPjRyQpqR3C34n7y2lnNjO8ZQ_Pdc16tK60oj7Viq1M8w4ZzcVUYBBc4ife_vdUAcyJCymXMQH076dj6UHCMwjvnfNRn_PP0xKAcESoMWXvILEraZ-Os0kosPyJ9TlOr3iw6JaRffxCWJ0HOkCmhbkogfUMna40-AfTFHEf42rU5gYal4zS-sBXmKjkUwN9fZed400TDwng-YRS9EXPPfwWPGfwW2MJQ=s0-d-e1-ft)
הוסף רשומת תגובה