וואשינגטאן – די פעדעראלע טרעזשורי דעפארטמענט האט נעכטן געמאלדן פרישע סאנקציעס קעגן דריי רוסישע אינדיווידועלן און פינף רוסישע פירמעס, זאגנדיג אז זיי האבן געארבעט מיט'ן רוסישן מיליטער און שפיאנאזש אגענטורן, צו העלפן די רוסישע רעגירונג דורכצופירן סייבער אטאקעס אויף אמעריקע און אירע אליאירטע לענדער. צווישן די ספעציפישע שריט איבער וועלכע די סאנקציעס זענען ארויפגעשטעלט געווארן, איז געווען די מאסיווע "נאט פעטיא" סייבער אטאקע, דורך וועלכע רוסישע העקערס האבן פאראליזירט צענדליגער טויזנטער קאמפיוטערס אין אמעריקע און איבער דער וועלט, ספעציפיש אין אוקראינע, וואו רוסלאנד האט געזוכט צו טשעפען די ארטיגע אנטי-רוסלאנד רעגירונג.
הוסף רשומת תגובה