וואשינגטאן – פרעזידענט טראמפ האט נעכטן געזוכט זיך אפצושאקלען פון זיין געוועזענעם קאמפיין מענעדזשער, פאול מענעפארט, שרייבנדיג אויף טוויטער אז אויב וואלט ער געוואוסט אז די עף-בי-איי איז פארנומען אויסצופארשן מענעפארט, וואלט ער אים קיינמאל נישט אויפגענומען פאר א פאזיציע אין זיין קאמפיין. טראמפ האט אינעם מעסעדזש ווידערהאלט אז מענעפארט איז אריינגעקומען אין זיין קאמפיין גאר שפעט און האט בלויז געארבעט פאר אים א גאר קורצע צייט, און טראמפ האלט אז די עף-בי-איי וואלט אים געדארפט ווארענען אז זיי זענען אינמיטן אן אויספארשונג אויף מענעפארט. עס ווערט ארויסגעהויבן אז מענעפארט האט טאקע געשפילט א ראלע אינעם טראמפ קאמפיין בלויז פון מערץ יאר 16' ביז אוגוסט יענעם יאר, אבער ער איז געווען קריטיש ביים רעפובליקאנער קאנווענשאן, פארזיכערנדיג אז טראמפ באקומט די נאמינאציע.
![בילד בילד](https://lh3.googleusercontent.com/blogger_img_proxy/AEn0k_tc4J1jRvXhW6AzCAi1yXkBghVx1GB-gwd6aBP_N3XGgg9MmWKQhXqQc-2_A3bgBTQC6sK_lrf_ZwR_ssfjs9Zim2RN2vvCDOD4egjquD68UzUNEvrcvGao8GLtI0YH2nK2HfX7AJaaV7zoJUG8XruKwooQoN33ikI6IADyUCGrjCIQbEzvVk-fr1A2SkftrNnAokURvTij95b2N8Ta2bYz-0IClcQbJqqW5oKG4hyZ52nre1UVueTPAN0NjQ=s0-d)
הוסף רשומת תגובה