אוקראינע – דער רוסישער פרעזידענט וולאדימיר פוטין האט פערזענליך אנטיילגענומען ביי א ספעציעלער צערעמאניע, וואו עס איז געעפנט געווארן די לאנג-דערווארטעטע בריק וועלכע פארבינדט דרום רוסלאנד מיט'ן קרימיע האלב-אינזל, וואס רוסלאנד האט אומלעגאל פארכאפט און אנעקסירט פון אוקראינע אין יאר 2014. באן סערוויס איז אפגעשאפן געווארן צווישן קרימיע און אוקראינישע טעריטאריע, וואס דעריבער האט רוסלאנד געמוזט טרעפן א נייעם וועג זיך צו פארבינדן דירעקט מיט קרימיע, און זי האט אונטערגענומען דעם פראיעקט צו בויען א בריק. די בריק, וואס ציט זיך פאר כמעט צוועלף מייל און האט אפגעקאסט 3.6 ביליאן דאלאר, האט פוטין אהערגעשטעלט צו צייגן דערמיט אז קרימיע איז פון היינט און ווייטער אויף אייביג א טייל פון רוסלאנד.
![בילד בילד](https://blogger.googleusercontent.com/img/proxy/AVvXsEijG3N6x6whLc7bD-7Qn4z3k8mU6Rw_3w6R1BzMLjpzbXthuFk7ChBTkaznu1CRSbOg-QE4VXTFeykDF_xeQwNjh7-9pVd8hnM-yXQBQjt0H0W6odJNA6SFRg0C9xtHSS3-QjORs3cazh6pfgJpZX3r9F73XA7v3yz8O_gMhkqa_KFf5gn95DEIs-IgAYpwpLy3AwS-C-p6l11xDWgIQLcROyuS7pn-QA=s0-d-e1-ft)
הוסף רשומת תגובה