צוריקגעצויגן פון פאלאקאוסט מוזעאום רוף
ווארשא – א מיניסטער פון דער פוילישער רעגירונג האט צוריקגעצויגן פון דעם וואס ער האט געהאט אינדארסירט א פלאן אוועקצושטעלן א נייעם מוזעאום, וועלכע זאל ווערן אנגערופן "דער פּאלאקאוסט" מוזעאום און זאל זיך קאנצענטרירן צו דערציילן די געשיכטע איבער נישט-אידישע פאלאקן וועלכע זענען אומגעברענגט געווארן דורך די נאציס ימ"ש. דעפיוטי קולטור מיניסטער יארעסלאו סעלין האט געהאט געזאגט, אז אויסער די דריי מיליאן פוילישע אידן הי"ד וועמען די נאציס ימ"ש האבן ברוטאל דערמארדעט, זענען נאענט צו צוויי מיליאן סתם פוילישע בירגער אומגעקומען אין די הענט פון די נאציס, און עס איז וויכטיג אז די וועלט זאל עס וויסן און געדענקען אויף אייביג, און דעריבער שטיצט ער דעם געדאנק פון א "פאלאקאוסט" מוזעאום, אבער נעכטן האט ער צוריקגעצויגן און געזאגט, אז דאס וועט נאר מער באליידיגן די אידן, וועלכע ברויזן שוין אזוי אויך אויף דעם לעצטיגן האלאקאוסט געזעץ אין פוילן.

בילד

קאמאנטירט

פאריגע ארטיקל קומענדיגע ארטיקל