וואשינגטאן – די פעדעראלע קאמיוניקאציע קאמיסיע האט נעכטן ארויסגעגעבן דעטאלן פון א געשריבענעם סטעיטמענט, וואס זיי האבן באקומען פונעם האוואאי סטעיט באאמטן, וועלכער האט געדרוקט דעם קנעפל ארויסצושיקן דעם פאלשן אלערט אז א מיסיל איז אויפ'ן וועג קיין האוואאי מיט 3 וואכן צוריק. לויט ווי דער אומאידענטיפיצירטער איינגעשטעלטער שרייבט, האט ער באקומען אינפארמאציע וואס האט אים געמאכט מיינען אז עס איז ווירקליך אזוי, אז עטליכע מיסילס זענען אויפ'ן וועג פון צפון קארעא קיין האוואאי, און וועגן דעם האט ער ארויסגעשיקט דעם מעסעדזש, וועלכע האט געברענגט 38 מינוט פון טאטאלן כאאס, ווען טויזנטער איינוואוינער זענען געלאפן זוכן באהעלטענישן זיך צו באשיצן פון די אריינקומענדיגע מיסילס.
הוסף רשומת תגובה