ארום דעם "חודש הרפואה – חודש אייר" ווערט אין אמעריקע אפגעראכטן דעם 'מענטל-העלט-עווערנעס' חודש
זינט 1949 ווערט אפגעהאלטן אין אמעריקע א ספעציעלע “Mental health awareness month”, יעדעס יאר אום May למס', דורך די "מענטל-העלט-אמעריקע" ארגאניזאציע.
דער חודש פאר מענטל-העלט-אויפוואכונג רופט צו אמעריקאנער בירגער צוצולייגן מער מחשבה צו די מענטל-העלט-שוועריקייטן פון וואס מיליאנען אמעריקאנער ליידן,
דורכאויס דעם חודש ווערט דורכגעפירט ברייטפארצווייגטע אקטיוויטעטן צו ברענגען אן אויפוואכונג צו מענטל-העלט, דורך די מידיע, לאקאלע אווענטס, סקרינינגס, א.א.וו.
יעדעס יאר געבט די ארגאניזאציע ארויס א ספעציעלן "טול-קיט" מיט פארשידענע ליין-מאטריאל, אנווייזונגען, א.ד.ג. צו פארשפרייטן ביים פובליק, וואס זאל ברענגען די געוואונטשענע אויפוואכונג צווישן דעם המון עם צו מענטל-העלט.
אלס אידישע קינדער זענען מיר מחיוב צו טון די מינימום, און צולייגן קאפ צו מענטל-העלט פראבלעמען אלס די חיוב פון "ונשמרתם מאד לנפשותיכם", סיי צו פארמיידן פראבלעמען נאך איידער עס אנטוויקלט זיך, און סיי צו נעמען די ריכטיגע הילף ווען עס פעלט אויס.
הוסף רשומת תגובה