קוק, א קעדילעק אין די לופט: די באקאנטע אויטא-פראדוצירער דזשי-עם האט ארויסגעשטעלט א נייע קעדילעק מאדעל. א דרייווערלאזע אויטא וועלכע פליעט אין די לופטן.
וויאזוי דזשי-עם זאגט איז די אויטא ספעציעל געמאכט פאר ארבעטערס וועלכע ברויכן פארן צו זיצונגען פון איין געביידע צו א צווייטע אין די רוישיגע סיטי גאסן, און מיט די אויטא קען מען זיך שפארן פיל צייט נישט צו דארפן זיצן אין טראפיק.
דזשי-עם האט געזאגט אז די ווידעא טוט צייגן וויאזוי די פריוואטע טראנספארטאציע וועט אויסקוקן אין די נישט-ווייטע צוקונפט.
בלויז איין פערזאן קען אריינגיין אין די אויטא. די אויטא ארבעט מיט בעטערי, און קען פארן ביז 55 מ.פ.ש. דזשי-עם האט נישט געוואלט ארויסגעבן מער דעטאלן איבער די אויטא.
© כל הזכויות שמורות. עס איז נישט ערלויבט צו קאפיען אדער נאכמאכן קיין שום טייל פון די ארטיקל אויף סיי וועלכע פארנעם, אן א געשריבענע רשות פון די אידישע נייעס וועבזייטל
הוסף רשומת תגובה