כאָטש ניין מענטשן זענען גע'הרג'עט געווארן און צענדליגע אנדערע זענען פארוואונדעט געווארן אין אַ קאר באָמבאַדירונג פאָרנט פון אַ פּאָליציי אַקאַדעמיע אין קאַלאָמביע'ס הויפּטשטאָט היינט דאנערשטאג, דערמאנענדיג די הויכע-פּראָפיל אנפאלן פארבונדן מיט די בלוטיגסטע קאפיטלען פון די גערילאַ קאָנפליקט.

די סצענע אינדרויסן פון די דזשענעראַל סאַנטאַנדער פּאָליציי אַקאַדעמיע אין דרום באָגאָטאַ איז געווען כאַאָטיש באַלד נאך די צופריעדיגע אַטאַקע, די גרעסטע קעגן אַ פּאָליציי אָדער מיליטערישע אינסטיטוציע אין די הויפּטשטאָט אין איבער אַ יאָר-צענדלינג, מיט אַמבולאַנסן און העליקאָפּטערס יאָגענדיג זיך צו די פלאַץ.

עדות זאגן אז זיי האבן געהערט אַ הויכע אויפרייס וואס האט אויסגעשאסן שויבן אין דערנעבענדע געביידעס עטליכע גאסן אַוועק. בילדער אויף סאשעל מידיא האָבן געוויזן אַ פארברענטע קאר ארומגענומען מיט אפפאל אויף די סצענע.

די פּאָליציי האָט געזאָגט אַז כאטש ניין מענטשן זענען גע'הרג'עט געווארן, בשעת באָגאָטאַ'ס געזונטהייט דעפּאַרטמענט האט געזאגט אַז 54 זענען פארוואנדעט געווארן. צווישן די טויטע איז געווען אַ בירגער פון פּאַנאַמאַ און אויך אַ עקוואַדאָר בירגער.

אויטאריטעטן קענען נישט ערקלערן וויאזוי די קאר, לכאורה אַ פּיקאָפּ טראָק, האט זיך אדורכגעגליטשט די באַריקאַדעס וואס איז אייביג שווער באוואכט דורך אויפרייס-שמעקעדיגע הינט, שווער באוואפענטע וועכטער און זיכערהייט קאַמעראַס.






קאמאנטירט

פאריגע ארטיקל קומענדיגע ארטיקל