שטאקהאלם – א געריכט אין שוועדן האט נעכטן פאראורטיילט דריי פארשוינען, וועלכע האבן פרובירט אונטערצוצינדן און פארברענען א שוהל. די דריי זענען פליטים פון עטליכע מוסולמענער לענדער, וועלכע האבן אין דעצעמבער פאראיאר געווארפן ברענענדיגע פאקלען און אנדערע אונטערגעצונדענע אביעקטן, אויף א שוהל אין דער שטאט גאטענבערג, ברענגענדיג אז צוויי קארס נעבן דער שוהל זענען אונטערגעצונדן געווארן, און די שוהל האט געליטן מילדע שאדנס. די 3 פארשוינען זענען פאראורטיילט געווארן צו צוויי יאר טורמע, נאכ'ן געפונען ווערן שולדיג אויף סטראשונקע און קרימינאלע שאדנס קלאגעס.
הוסף רשומת תגובה