בעיזשינג – קוועלער אינעם אמעריקאנער סטעיט דעפארטמענט דערציילן, אז די כינעזער רעגירונג שפילט ברוגז, און איגנארירט אמעריקאנער באאמטע און דיפלאמאטן וועלכע ווילן פירן געשפרעכן איבער טייוואן – די טעריטאריע וואס כינע באטראכט אלס א טייל פון זייער לאנד. כינע וויל, אז אויסלענדישע פירמעס, און ספעציפיש לופטליניעס, זאלן טוישן אויף זייערע וועבזייטן וויאזוי זיי שרייבן איבער טייוואן, און ארויסשרייבן קלאר אז ס'איז א כינעזער טעריטאריע. פילע פירמעס האבן זיך שוין צוגעשטעלט, אבער עטליכע גרויסע אמעריקאנער פירמעס, אריינגערעכנט דעלטא און יונייטעד לופטליניעס, האבן נאכנישט געמאכט דעם טויש, און כינע בלאזט דערוועגן זייער שטארק.
הוסף רשומת תגובה