וואשינגטאן – נייע פעדעראלע עסנווארג מעניו רעגולאציעס זענען נעכטן אריין אין אפעקט, וועלכע וועלן צווינגען גרויסע רעסטוראנטן ארויסצושרייבן וויפיל קאלאריעס יעדע עסנווארג האט. די מעניו רעגולאציעס זענען אריגינעל אויפגעברענגט געווארן אלס טייל פון אבאמאקעיר, און למעשה איז עס באשטעטיגט געווארן אין יאר 2014, אבער קאנגרעס האט עס ביז יעצט אפגעשטופט, אלס טייל פונעם ברייטערן קאמף קעגן אבאמאקעיר. יעצט איז עס ענדליך אריין אין אפעקט, און אונטער די נייע רעגולאציעס, וועט יעדע רעסטוראנט וואס פארמאגט איבער צוואנציג לאקאלן איבער'ן לאנד, מוזן ארויסשרייבן אויף יעדע עסנווארג, די צאל קאלאריעס מיט גרויסע בוכשטאבן. אויסער דעם וועלן רוב "ווענדינג מאשינען" איבער'ן לאנד אויך פאלן אונטער די נייע רעגולאציעס, און וועלן ווערן געצווינגען ארויסצושטעלן די גענויע צאל קאלאריעס פון אלע עסנווארג וואס זיי פארקויפן.
הוסף רשומת תגובה