בעיזשינג – איינס פון די מערסט-פארשפרייטע צייטונגען אין כינע, וועלכע ווערט קאנטראלירט דורך דער כינעזער רעגירונג, האט געשריבן אן עדיטאריעל אין וועלכע זיי רופן דאס כינעזער מיליטער זיך צו מאביליזירן און אריינשטורעמען אין טייוואן. דער עדיטאריעל איז געקומען אלס א שארפע רעאקציע צו דעם וואס די אמעריקאנער רעגירונג האט באשטעטיגט א ניי סימבאליש געזעץ, וועלכע וועט ברענגען מער באזוכן פון אמעריקאנער באאמטע אין טייוואן און פון טייוואנעזער באאמטע אין אמעריקע – אויפברויזנדיג כינע, וועלכע איז אויף מעסער-שטעך מיט טייוואן, וויבאלד זי באטראכט טייוואן אלס בלויז א טייל פון כינע, און נישט אלס אייגן לאנד.
הוסף רשומת תגובה