וואשינגטאן – דאס ווייסע הויז האט נעכטן ארויסגעשטעלט עטליכע פלענער און פארשלאגן וויאזוי מען קען פארשטארקערן זיכערהייט אין אלע סקולס, אריינגערעכנט טרענירן טיטשערס צו פארמאגן און נוצן גאנס, אין ליכט פון דער פלארידע סקול שיסעריי. דאס ווייסע הויז זאגט אבער אז זי וועט נישט שיקן קיין שום גאן קאנטראל געזעץ פארשלאגן פאר קאנגרעס, נאר קאנגרעס זאל אליינס באשליסן וואס זי וויל טאן, און אויך זאל יעדע גאן קאנטראל געזעץ ווערן דעבאטירט אין יעדע סטעיט עקסטער. אויך אנטהאלט נישט די ווייסע הויז פארשלאגן קיין שום ספעציפישן געדאנק צו העכערן די יארגאנג פון ווען מען קען קויפן געפארפולע גאנס, וואס דאס קומט נאך לאנגע וואכן וואס פרעזידענט טראמפ האט יא געזאגט אז ער וועט פאראויסשטופן נייע גאן קאנטראל געזעצן.
הוסף רשומת תגובה