ניו יארק – צוויי עקאנאמיסטן אינערהאלב דער ניו יארק אפטיילונג פונעם "פעדעראל רעזערוו", האבן פובליצירט אן ארטיקל אין וועלכע זיי מאכן אוועק ביטקוין און אנדערע טעכנאלאגישע "קריפטא-קורענסי" וואלוטע, שרייבנדיג אז זיי זעען נישט אז עס זאל זיין עפעס א לאנג-טערמיניגע באנוץ דערפאר. מייקל לי און ענטאן מארטין שרייבן, אז מען האט געזען אין יאר 15', ווען גריכנלאנד איז אריבער א מאסיווע פינאנציעלע קריזיס, אז מענטשן האבן אנגעהויבן נוצן דארטן ביטקוין צו מאכן געלט טראנספערס און ענליכעס, ווייל עס איז נישט געווען קיין צוטרוי אין דער אלגעמיינער וואלוטע, אבער אין נארמאלע סטאבילע עקאנאמיעס, וועלן פשוט'ע קרעדיט קארטלעך, באנק אקאונטס און קעש, פארבלייבן אלס די מערסט-באנוצטע געלט-מעטאדן, און ביטקוין וועט קיינמאל נישט איבערנעמען.
הוסף רשומת תגובה