פאריגן דאנערשטאג האבן פאליציי אפגעפונען דעם קערפער פונעם 20 יעריגן אידישן סטודענט אין קאליפארניע, באגראבן אין א פארק נישט ווייט פון זיין הויז, נאכ'ן זוכן א גאנצע וואך נאכדעם ווי ער איז פארשוואונדן געווארן. דעם שבת האט פאליציי געמאלדן - ווי שוין באריכטעט - אז דער פארדעכטיגטער אינעם מארד איז זיינס א נאענטער פריינט, דער 20 יעריגער לינקאלן וואודווארד, וועלכער האט אים אפגענומען מיט זיין קאר פון זיין היים אינעם טאג וואס ער איז פארשוואונדן געווארן, פאליציי האט געפונען באווייזן וועלכע פארבונדן אים צום מארד, און זיי פרובירן דערווייל צו דערגיין וואס ס'האבן געקענט זיין די מאטיוון צו אזא ברוטאלע מארד.
הוסף רשומת תגובה