לאנדאן – אין דער צייט וואס אין די פאראייניגטע שטאטן דערווארט מען א היסטארישן ווינטער שטורעם, איז איינס שוין באפאלן נעכטן אין טיילן פון מערב אייראפע, ברענגענדיג אמווייניגסטנס איין פאטאליטעט און נאענט צו צוואנציג פארוואונדעטע. דער שווערער שטורעם, וועלכע איז געווען א געמיש פון רעגן, האגל און שניי, האט באפאלן טיילן פון ענגלאנד, איירלאנד, שווייץ און פראנקרייך, און אין געוויסע געגנטער איז עס מיטגעקומען מיט ווינטן ביי א מאנסטערישער שטארקייט פון 100 מייל פער שטונדע. די שווערע ווינטן האבן געפירט צו מאסיווע קורצשלוסן אין די דערמאנטע לענדער, איבערלאזנדיג צענדליגער טויזנטער אייראפעאישע בירגער אן קיין לעקטער און הייצונג אין די יעצטיגע פארפרוירן-קאלטע טעג.
הוסף רשומת תגובה